Gold rate : सोन्याच्या किंमतीत अलीकडे मोठ्या वाढीनंतर आता मोठी घसरण पहायला मिळत आहे. गेल्या काही दिवसांत सोन्याने उच्चांक गाठला होता, मात्र आता त्यात जवळपास 3 टक्क्यांची घट झाली आहे. यामुळे सोन्याच्या सतत वाढणाऱ्या दरांच्या मालिकेला ब्रेक लागलेला आहे.
एक आठवड्याचा फायदा एका दिवसात झाला साफ Gold rate
आताच सोन्याच्या दरात 3% पेक्षा अधिक घसरण झाली. या घसरणीमुळे संपूर्ण आठवड्याचा नफा एका दिवसात निघून गेला. आंतरराष्ट्रीय बाजारात मोठ्या प्रमाणावर घसरण झाली असून, अमेरिका आणि चीनमधील ट्रेड वॉरमुळे गुंतवणूकदारांमध्ये भीतीचं वातावरण निर्माण झालं आहे. परिणामी, अनेकांनी नफा घेण्यासाठी सोनं विकायला सुरुवात केली आहे.
स्पॉट गोल्ड आणि फ्युचर्समध्येही घसरण
स्पॉट गोल्डमध्ये 2.6% इतकी घसरण नोंदवली गेली असून किंमत 3,030.66 डॉलर प्रति औंस इतकी झाली आहे. शुक्रवारी ही किंमत 3,016.49 डॉलरवर आली, जी गुरुवारी 3,167.57 डॉलरच्या उच्चांकावर होती. युएस गोल्ड फ्युचर्सदेखील 2.3% नी घसरून 3,049.20 डॉलरवर आले आहेत.
भारतीय बाजारातही किंमतीत मोठी घट
भारतामध्येही सोन्याच्या दरात मोठी घसरण झाली आहे. दिल्लीमध्ये शुक्रवारी सोनं 91,600 रुपयांवर आलं असून, हे दर एका दिवसात 1,600 रुपयांनी कमी झाले. यामुळे गुंतवणूकदारांना मोठा धक्का बसला आहे.
घसरणीचं कारण काय? एक्सपर्ट्स सांगतात
स्टँडर्ड चार्टर्डच्या विश्लेषक सुकी कूपर यांच्या मते, सोन्याची विक्री मोठ्या प्रमाणात झाल्यामुळे ही घसरण झाली आहे. गुंतवणूकदार नफा मिळवण्यासाठी विक्री करत आहेत. सिटी इंडेक्सचे वरिष्ठ विश्लेषक मॅट सिम्पसन यांचं मत आहे की, सध्याची घसरण तात्पुरती असून सोने भविष्यात पुन्हा तेजीत येईल.
अमेरिका-चीन संघर्षाचा परिणाम
ट्रेड वॉरच्या पार्श्वभूमीवर अमेरिका आणि चीनने एकमेकांवर टॅरिफ लावले आहेत. यामुळे जागतिक बाजारात अनिश्चिततेचं वातावरण निर्माण झालं असून, याचा परिणाम सोन्याच्या किंमतीवर झाला आहे.
पुढे किती घसरण शक्य?
विश्लेषक जॉन मिल्स यांच्या मते, सोन्याच्या दरात सुमारे 38% पर्यंत घट होण्याची शक्यता आहे. मात्र, दुसरीकडे शेअर बाजारात अस्थिरता असल्यामुळे सोन्याचे दर स्थिर राहण्याची शक्यताही नाकारता येत नाही.